【北上消費】港媽深圳剪頭髮被劏488元僅剪髮尾　髮型師︰剪髮頂另收1288元

親子

發布時間： 2023/03/31 19:31

最後更新： 2023/04/01 00:33

熱門九龍城寨之圍城超市大搜查逆天奇案2 新手爸媽癌症殺手家族榮耀之繼承者名校專區高才通到校服務會員有獎

不少港人因疫情關係，可能已3年未有北上，中港正式通關逾一個月，以「深圳好去處」為題的帖文又再度活躍於各大社交平台討論區。日前一名港媽，與丈夫北上深圳消費途經一商場時，被店員氹「幾百元」剪頭髮，由於丈夫同行，事主抱住「當洗頭」心態跟入髮型屋，最後埋單488人民幣，但僅髮尾被剪，因為如果想剪髮頂最少要多附4位數。

最新影片推介:

事主3月尾在fb「深圳大灣區吃喝玩樂開心分享區」發文指，「估唔到事隔3年幾第一次去深圳，竟然遇上咁呃人嘅銷售手法！分享下俾大家，以免有下一個受害者。」事主於23日去深圳辦理銀行卡，之後與丈夫順道在附近「卓悅商場」逛逛，突然有人上前向事主搭訕，問她是否想改變髮型，事主心想︰

咁我一開始唔想，因為前兩星期先喺香港染咗頭髮，跟住佢話絕對不會叫我染電，只係幫我設計髪型，我諗住我老公都喺度，只係剪個頭髮，應該唔會貴得去邊？

事主與丈夫跟隨店員行到位於商場內的一間髮型屋，對方一直向事主聲稱只需要幾百元人民幣︰

我入咗去都見到有人剪緊頭髮，我都放低戒心，坐低之後，佢就話會有個『髮型總監』同我傾，同我講好多人包括明星都會搵呢個『總監』，我即刻問幾錢先，貴我就唔整，佢話幾百蚊左右，咁我都Keep住追問係幾多百，佢話一陣間髮型師會同我講！

之後「髮型總監」現身，並向事主講解她的頭髮問題，而事主再問需要幾多錢，「髮型總監」即改口表示要$1,288，事主一聽立即以「太貴」拒絕，「髮型總監」說︰

平時收¥3,888，今日當交朋友，試做價¥488！
我見呢個價錢，算啦，俾佢照做啦！點知洗完個頭，佢幫我剪咗髮尾後，同我講髮頂要另外收費，要¥1,288。

我話淨係剪髮尾，你夠膽收我¥488？佢話會幫我吹乾頭髮，又話佢收開¥3,888，所以¥488髮尾實屬正常，覺得我應該要用¥1,288再修個髮頂；我即刻黑面，叫佢即刻吹乾我啲頭髮；佢就不斷推銷我買Plan，話¥58,888、¥38,888、¥12,888......話開咗卡今次可以免費幫我剪，我話冇錢，佢不斷推銷，我企硬，之後佢就黑面叫個徒弟俾返手袋我，收我¥488。

事主文未奉勸大家:「去深圳，千祈唔好同人隨便搭訕搭話！」

帖文一出，有網民上隨即上載多張網圖，指出原來類似事主遇到的銷售手法已經在深圳成功令不少人「破財」，也有人至被「氹」去¥6,888，事主看到無奈回應︰「原來我俾人呃¥488都算少!」

▼點擊圖片放大